ព្រះត្រៃបិដក ភាគ ៥២

សុត្តន្ត​បិដក​
​ខុទ្ទកនិកាយ​ ​ខុទ្ទកបាឋ​
​ភាគ​ទី​ ​១​


​សូម​នមស្ការ​ព្រះមានព្រះភាគ​អរហន្ត​សម្មាសម្ពុទ្ធ​ព្រះអង្គ​នោះ​។​ ​

​ខុទ្ទកបាឋ​ ​សរណគមន៍​

 ​[​១​]​ ​ខ្ញុំ​ព្រះករុណា​ ​សូម​ដល់​នូវ​ព្រះពុទ្ធ​ ​ជាទី​រឭក​ ​ខ្ញុំ​ព្រះករុណា​ ​សូម​ដល់​នូវ​ព្រះធម៌​ ​ជាទី​រឭក​ ​ខ្ញុំ​ព្រះករុណា​ ​សូម​ដល់​នូវ​ព្រះសង្ឃ​ ​ជាទី​រឭក​។​ ​ខ្ញុំ​ព្រះករុណា​ ​សូម​ដល់​នូវ​ព្រះពុទ្ធ​ ​ជាទី​រឭក​ ​ជា​គំរប់​ពីរ​ដង​ផង​ ​ខ្ញុំ​ព្រះករុណា​ ​សូម​ដល់​នូវ​ព្រះធម៌​ ​ជាទី​រឭក​ ​ជា​គំរប់​ពីរ​ដង​ផង​ ​ខ្ញុំ​ព្រះករុណា​ ​សូម​ដល់​នូវ​ព្រះសង្ឃ​ ​ជាទី​រឭក​ ​ជា​គំរប់​ពីរ​ដង​ផង​។​ ​ខ្ញុំ​ព្រះករុណា​ ​សូម​ដល់​នូវ​ព្រះពុទ្ធ​ ​ជាទី​រឭក​ ​ជា​គំរប់​បីដង​ផង​ ​ខ្ញុំ​ព្រះករុណា​ ​សូម​ដល់​នូវ​ព្រះធម៌​ ​ជាទី​រឭក​ ​ជា​គំរប់​បីដង​ផង​ ​ខ្ញុំ​ព្រះករុណា​ ​សូម​ដល់​នូវ​ព្រះសង្ឃ​ ​ជាទី​រឭក​ ​ជា​គំរប់​បីដង​ផង​។​ ​

​ចប់​ ​សរណគមន៍​។​


​ខុទ្ទកបាឋ​ ​សិក្ខាបទ​ ​១០​ ​


​ [​២​]​ ​ខ្ញុំ​ព្រះករុណា​ ​សូម​សមាទាន​នូវ​សិក្ខាបទ​ ​គឺ​ចេតនា​ជាហេតុ​វៀរចាក​ការ​សម្លាប់សត្វ​។​ ​ខ្ញុំ​ព្រះករុណា​ ​សូម​សមាទាន​ ​នូវ​សិក្ខាបទ​ ​គឺ​ចេតនា​ជាហេតុ​វៀរចាក​ការ​កាន់​យក​នូវ​វត្ថុ​ដែលគេ​មិនបាន​ឲ្យ​។​
ទំព័រទី ១ | បន្ទាប់
ID: 636864785554161339
ទៅកាន់ទំព័រ៖