ព្រះត្រៃបិដក ភាគ ៥៩

 ​[​២៤៨​]​ ​(​តាបស​ពោធិសត្វ​ ​ពោល​ថា​)​ ​ម្នាល​យក្ខ​ ​នាង​ស្គាល់​នូវ​អាត្មា​ដោយពិត​ ​មួយទៀត​ ​នាង​ឈ្មោះថា​ ​អនុគ្រោះ​នូវ​អាត្មា​ ​ម្នាល​យក្ខ​ ​បើ​នាង​ឃើញ​ទោស​នេះ​ ​ក្នុង​កាលណា​ ​នាង​គប្បី​ប្រាប់​ ​(​ដល់​អាត្មា​)​ ​ទៀត​ ​ក្នុង​កាលនោះ​។​
​ [​២៤៩​]​ ​(​នាង​ទេវធីតា​ ​ពោល​ថា​)​ ​ខ្ញុំ​មិនមែន​រស់នៅ​ព្រោះ​អាស្រ័យ​លោក​ទេ​ ​ទាំង​មិនមែន​ជា​អ្នកធ្វើការ​ឈ្នួល​របស់​លោក​ទេ​ ​បពិត្រ​ភិក្ខុ​ ​លោក​ទៅកាន់​សុគតិ​ ​ដោយ​អំពើ​ណា​ ​លោក​គប្បី​ដឹង​ ​(​នូវ​អំពើនោះ​ចុះ​)​។​

​ចប់​ ​ឧប​សិង្ឃ​បុប្ផ​ជាតក​ ​ទី៧​។​


​វិឃាសាទ​ជាតក​ ​ទី៨​


​ [​២៥០​]​ ​(​ព្រះ​ឥន្រ្ទ​ក្លែងខ្លួន​ជា​សេក​ ​និយាយ​ថា​)​ ​ពួក​ជន​ណា​ ​ជា​អ្នក​ស៊ី​វត្ថុ​សល់​ដែល​ជន​នោះ​រមែង​រស់នៅ​ជា​សុខ​ស្រួល​ ​សេចក្តី​សរសើរ​ក្នុង​បច្ចុប្បន្ន​ ​និង​សុគតិ​ ​ក្នុង​បរលោក​ ​រមែង​មាន​។​
​ [​២៥១​]​ ​(​ឥសី​មួយ​រូប​ ​ពោល​ថា​)​ ​អ្នក​ទាំងឡាយ​ ​ជា​បណ្ឌិត​ ​ចូរ​កុំ​ផ្ទៀង​ស្តាប់​ ​(​នូវ​សំដី​)​ ​របស់​សេក​និយាយ​ ​ម្នាល​អ្នកមាន​ពោះ​ដ៏​ស្មើ​ទាំងឡាយ​ ​ពួក​អ្នក​ចូរ​ស្តាប់​ពាក្យ​ខ្ញុំ​នេះ​វិញ​ ​សេក​នេះ​ ​បញ្ជោរ​នូវ​ពួក​យើង​ទេ​។​
ថយ | ទំព័រទី ៦៥ | បន្ទាប់
ID: 636868041476569448
ទៅកាន់ទំព័រ៖