ព្រះត្រៃបិដក ភាគ ០៦

​តថាគត​ជា​អ្នក​គ្រប​សង្កត់​នូវ​តេ​ភូមិក​ធម៌​ទាំងអស់​ ​ត្រាស់​ដឹង​នូវ​ចតុ​ភូមិក​ធម៌​ទាំងអស់​ ​មិន​ប្រឡាក់​ដោយ​កិលេស​ក្នុង​តេ​ភូមិក​ធម៌​ទាំងអស់​ ​បាន​លះ​ចោល​នូវ​តេ​ភូមិក​ធម៌​ទាំងអស់​ហើយ​ ​មានចិត្ត​ផុត​ស្រឡះ​ហើយ​ ​ព្រោះ​អស់​ទៅ​នៃ​តណ្ហា​ ​ដឹង​ច្បាស់​នូវ​ចតុ​ភូមិក​ធម៌​ដោយខ្លួនឯង​ ​(​ចាំបាច់​)​ ​ចំពោះ​បុគ្គល​ណា​។​ ​តថាគត​មិន​មាន​អាចារ្យ​ទេ​ ​មិន​មាន​បុគ្គល​ដទៃ​ស្មើនឹង​តថាគត​ឡើយ​ ​ក្នុង​លោក​នេះ​ ​ព្រមទាំង​ទេវលោក​ ​មិន​មាន​បុគ្គល​ប្រៀបផ្ទឹម​នឹង​តថាគត​បាន​ឡើយ​។​ ​ព្រោះថា​ ​តថាគត​ជា​អរហន្ត​ក្នុង​លោក​ ​ជា​សាស្តា​ខ្ពស់​ផុត​ ​ជា​អ្នក​ត្រាស់​ដឹង​ដោយ​ប្រពៃ​ចំពោះខ្លួន​ឯង​ ​តថាគត​មាន​សេចក្តី​ត្រជាក់​ ​មាន​ភ្លើង​កិលេស​រលត់​ហើយ​។​