ព្រះត្រៃបិដក ភាគ ៦០

​អយោ​ឃរ​ជាតក​ ​ទី១៤​


​ [​៣៩០​]​ ​(​អយោ​ឃរ​កុមារ​ពោធិសត្វ​…​)​ ​សត្វនៅ​ក្នុង​គភ៌​ ​អស់​រាត្រី​ណាមួយ​ជាដំបូង​ ​សត្វ​នោះ​ប្រព្រឹត្តទៅ​ ​ដូចជា​ពពក​ដែល​តាំង​ឡើង​ ​សត្វ​នោះ​កាល​ទៅ​ ​រមែង​មិន​ត្រឡប់​វិញ​ទេ​។​
​ [​៣៩១​]​ ​មិនមែន​ពួក​នរៈ​កាល​ច្បាំង​ ​មិនមែន​ពួក​នរៈ​បរិបូរណ៍​ដោយ​កំលាំង​ ​មិន​គ្រាំ​គ្រ​ ​មិន​ស្លាប់​ទេ​ ​ព្រោះថា​ ​បាណ​មណ្ឌល​ទាំងអស់​នោះ​ ​គឺជា​តិ​ ​និង​ជរា​ ​តែង​ចូល​ទៅ​ជិត​បៀតបៀន​ ​ហេតុ​នោះ​ ​បាន​ជា​គំនិត​របស់​ទូលព្រះបង្គំជាខ្ញុំ​កើតឡើង​ថា​ ​អញ​នឹង​ប្រព្រឹត្ត​ធម៌​។​
​ [​៣៩២​]​ ​ព្រះរាជា​ទាំងឡាយ​ ​ជា​រដ្ឋាធិបតី​ ​គ្រប​សង្កត់​នូវ​សេនា​ប្រកបដោយ​អង្គ​ ​៤​ ​ជា​សេនា​មាន​សភាព​គួរខ្លាច​ក្រៃពេក​ ​រមែង​ឈ្នះ​បាន​ ​ប៉ុន្តែ​មិន​អាច​ឈ្នះ​នូវ​សេចក្តី​ស្លាប់​បាន​ ​ព្រោះហេតុនោះ​ ​គំនិត​របស់​ទូលព្រះបង្គំជាខ្ញុំ​កើតឡើង​ថា​ ​អញ​នឹង​ប្រព្រឹត្ត​ធម៌​។​
​ [​៣៩៣​]​ ​ព្រះរាជា​ទាំងឡាយ​អង្គ​ខ្លះ​ ​ដែល​មាន​ពលដំរី​ ​ពលសេះ​ ​ពល​រថ​ ​ពលថ្មើរជើង​ចោមរោម​ហើយ​ ​រួច​ ​(​អំពី​កណ្តាប់​ដៃ​ពួក​បច្ចាមិត្ត​)​ ​បាន​ ​ប៉ុន្តែ​មិន​អាច​រួចចាក​សេចក្តី​ស្លាប់​បាន​ ​ព្រោះហេតុនោះ​ ​បាន​ជា​គំនិត​របស់​ទូលព្រះបង្គំជាខ្ញុំ​កើតឡើង​ថា​ ​អញ​នឹង​ប្រព្រឹត្ត​ធម៌​។​
ថយ | ទំព័រទី ១៤២ | បន្ទាប់
ID: 636873029387722031
ទៅកាន់ទំព័រ៖