ព្រះត្រៃបិដក ភាគ ៦១

​ពួក​ស្រី​ដូច​ភ្លើង​ ​នាំ​យក​នូវ​វត្ថុ​គ្រប់យ៉ាង​ដូច​ស្ទឹង​ ​មាន​អាការ​រហើរ​ហា​ចក្នុង​កាម​ដូច​ខ្យល់​ ​មិន​ឲ្យ​មាន​ប្លែក​ដូច​ភ្នំ​នេរុ​ ​មាន​ផ្លែ​ជានិច្ច​ ​ដូច​ឈើ​មានពិស​ពុល​ ​ពួក​ស្រី​តែង​ញ៉ាំង​ភោគៈ​ក្នុង​ផ្ទះ​ឲ្យ​វិនាស​ ​ធ្វើ​សេចក្តី​អន្តរាយ​នូវ​រតនវត្ថុ​ទាំងឡាយ​។​

​បុគ្គល​មិន​គប្បី​ញ៉ាំង​គោឈ្មោល​ ​១​ ​គោញី​ ​១​ ​យាន​ ​១​ ​ភរិយា​ ​១​ ​ឲ្យ​នៅក្នុង​ត្រកូល​ញាតិ​ទេ​ ​(​ព្រោះថា​)​ ​ពួក​បុគ្គល​ ​មិន​មាន​រទេះ​ ​រមែង​ប្រើ​បា្រស់​រទេះ​ ​បៀតបៀន​នូវ​គោឈ្មោល​ ​ដោយ​ការដឹកនាំ​ហួសកម្លាំង​ ​បៀតបៀន​មេគោ​ ​ដោយ​ការ​រូត​ទឹកដោះ​ ​ភរិយា​រមែង​ប្រព្រឹត្ត​ខូច​ ​(​ក្បត់ចិត្ត​ប្តី​)​ ​ក្នុង​ត្រកូល​នៃ​ញាតិ​។​
​[​៣០២​]​ ​នែ​បុណ្ណ​មុ​ខៈ​សំឡាញ់​ ​វត្ថុ​ ​៦​ ​យ៉ាងនេះ​ ​រមែង​មិនបានជា​ប្រយោជន៍​ចំពោះ​កិច្ចការ​ ​ដែល​កើតឡើង​ទេ​ ​(​វត្ថុ​ ​៦​ ​យ៉ាង​)​ ​គឺ​ ​ធ្នូ​គ្មាន​បន្លោះ​ ​១​ ​ភរិយា​ ​(​ដែល​នៅ​)​ ​ក្នុង​ត្រកូល​ញាតិ​ ​១​ ​