ព្រះត្រៃបិដក ភាគ ៦៨
កុហនវត្ថុប៉ែកខាងឥរិយាបថ តើដូចម្ដេច។ ភិក្ខុខ្លះ ក្នុងសាសនានេះ មានសេចក្តីប្រាថ្នាលាមក ត្រូវសេចក្តីប្រាថ្នាគ្របសង្កត់ មានបំណងនូវការសរសើរថា អ្នកផងនឹងសរសើរអញយ៉ាងនេះ ក៏រៀបចំដំណើរ រៀបចំជំហរ រៀបចំបង្គុយ រៀបចំដំណេក រៀបឫកដើរ រៀបឫកឈរ រៀបឫកអង្គុយ រៀបឫកសម្រេចការដេក ដើរដូចជាមានចិត្តតម្ដល់មាំ ឈរដូចជាមានចិត្តតម្ដល់មាំ អង្គុយដូចជាមានចិត្តតម្ដល់មាំ សម្រេចការដេកដូចជាមានចិត្តតម្ដល់មាំ ហាក់ដូចជាចូលឈានក្នុងទីចំពោះមុខ (នៃអ្នកផង)។ ការតាំងក្នុងខាងដើម ការតាំងទុក ការរៀបចំឥរិយាបថ អាការធ្វើមុខស្រពោន ភាពនៃការធ្វើមុខស្រពោន ការកុហក អាការនៃកុហក ភាពនៃកុហក មានសភាពយ៉ាងនេះឯណា នេះហៅថា កុហកវត្ថុ ប៉ែកខាងឥរិយាបថ។
ID: 637357871876886247
ទៅកាន់ទំព័រ៖