ព្រះត្រៃបិដក ភាគ ៧៥
លំនៅរបស់ខ្ញុំដេរដាសកុះករដោយពួកនារី ខ្ញុំបរិភោគផង ផឹកផង នៅក្នុងឋានទេវតានោះ។ ខ្ញុំបានសោយទេវរាជ្យ ជាស្តេចនៃទេវតា អស់ ៣.០០០ ដង បានជាស្តេចចក្រពត្តិអស់ ៥០០ ដង បានសោយប្រទេសរាជ្យដ៏ធំទូលាយ រាប់ជាតិមិនអស់។ ខ្ញុំកាលអន្ទោលទៅក្នុងភពតូចភពធំ រមែងបាននូវទ្រព្យរាប់មិនអស់ ខ្ញុំមិនមានការខ្វះខាតដោយភោគៈទាំងឡាយឡើយ នេះជាផលនៃសំទូងថ្មី។ ខ្ញុំបាននូវវត្ថុគ្រប់មុខនេះ គឺយានដំរី យានសេះ គ្រែស្នែង រថទ្រង់គ្រឿង នេះជាផលនៃសំទូងថ្មី។ ខ្ញុំបាននូវវត្ថុគ្រប់មុខនេះ គឺសម្ពត់ថ្មី ផ្លែឈើថ្មី និងភោជនថ្មោងមានឱជារសដ៏លើសលុប នេះជាផលនៃសំទូងថ្មី។ ខ្ញុំបាននូវវត្ថុគ្រប់មុខនេះ គឺសម្ពត់សូត្រ សម្ពត់កម្ពល សម្ពត់សម្បកឈើ និងសម្ពត់ធ្វើដោយកប្បាស នេះជាផលនៃសំទូងថ្មី។
ID: 637643689035193433
ទៅកាន់ទំព័រ៖