ព្រះត្រៃបិដក ភាគ ៧៨
[១០៧] មគ្គ កើតមានក្នុងសម័យនោះ តើដូចម្តេច។ សម្មាទិដ្ឋិ សម្មាសង្កប្បៈ សម្មវាយាមៈ សម្មាសតិ សម្មាសមាធិ នេះមគ្គ កើតមានក្នុងសម័យនោះ។
[១០៨] ពួកពលៈ កើតមានក្នុងសម័យនោះ តើដូចម្តេច។ សទ្ធាពលៈ វីរិយពលៈ សតិពលៈ សមាធិពលៈ បញ្ញាពលៈ ហិរិពលៈ ឱត្តប្បពលៈ នេះពួកពលៈ កើតមានក្នុងសម័យនោះ។
[១០៩] ពួកហេតុ កើតមានក្នុងសម័យនោះ តើដូចម្តេច។ អលោភៈ អទោសៈ អមោហៈ នេះពួកហេតុ កើតមានក្នុងសម័យនោះ។
[១១០] ផស្សៈ កើតមានក្នុងសម័យនោះ តើដូចម្តេច។បេ។ នេះផស្សៈ កើតមានក្នុងសម័យនោះ។
[១១១] វេទនា កើតមានក្នុងសម័យនោះ តើដូចម្តេច។បេ។ នេះវេទនា កើតមានក្នុងសម័យនោះ។
[១១២] សញ្ញា កើតមានក្នុងសម័យនោះ តើដូចម្តេច។បេ។ នេះសញ្ញា កើតមានក្នុងសម័យនោះ។
ID: 637645659165645208
ទៅកាន់ទំព័រ៖