ព្រះត្រៃបិដក ភាគ ៧៨
ពួកធម៌ដែលសៅហ្មង ទាំងគួរដើម្បីដល់នូវសេចក្តីសៅហ្មង ពួកធម៌ដែលមិនសៅហ្មង តែគួរដើម្បីដល់នូវសេចក្តីសៅហ្មង ពួកធម៌ដែលមិនសៅហ្មង ទាំងមិនគួរដើម្បីដល់នូវសេចក្តីសៅហ្មង ពួកធម៌ប្រកបដោយវិតក្កៈ ទាំងប្រកបដោយវិចារៈ
(១) ពួកធម៌គ្មានវិតក្កៈ មានត្រឹមតែវិចារៈ ពួកធម៌គ្មានវិតក្កៈ ទាំងគ្មានវិចារៈ ពួកធម៌ប្រកបដោយបីតិ
(២) ពួកធម៌ប្រកបដោយសុខ
(៣) ពួកធម៌ប្រកបដោយឧបេក្ខា
(៤) ពួកធម៌ដែលត្រូវលះដោយទស្សនៈ
(៥) ពួកធម៌ដែលត្រូវលះដោយភាវនា
(៦) ពួកធម៌ដែលមិនត្រូវលះដោយទស្សនៈ មិនត្រូវលះដោយភាវនា ពួកធម៌មានហេតុដែលត្រូវលះដោយទស្សៈ ពួកធម៌មានហេតុដែលត្រូវលះដោយភាវនា ពួកធម៌មានហេតុដែលមិនត្រូវលះដោយទស្សនៈ មិនត្រូវលះដោយភាវនា ពួកធម៌ដល់នូវការសន្សំកពូនឡើងដោយកម្មក្កិលេស ពួកធម៌មិនដល់នូវការសន្សំកពូនឡើង ពួកធម៌មិនមែនជាដល់នូវការសន្សំកពូនឡើង មិនមែនជាមិនដល់នូវការសន្សំកពូនឡើង ពួកធម៌ជារបស់សេក្ខបុគ្គល ពួកធម៌ជារបស់អសេក្ខបុគ្គល ពួកធម៌មិនមែនជារបស់សេក្ខបុគ្គល មិនមែនជារបស់អសេក្ខបុគ្គល
(១) វិតក្កៈ ប្រែថា ត្រិះរិះ វិចារៈ ប្រែថា ពិចារណា។ (២) សេចក្តីត្រេកអរ ឬឆ្អែតកាយ ឆ្អែតចិត្ត។ (៣) សេចក្តីសប្បាយកាយ សប្បាយចិត្ត។ (៤) សេចក្តីព្រងើយកន្តើយ ជាកណ្តាល មិនជាសុខ មិនជាទុក្ខ។ (៥) ការឃើញ គឺសំដៅយកសោតាបត្តិមគ្គ។ (៦) ការចំរើន សំដៅយក សកទាគាមិមគ្គ អនាគាមិមគ្គ អរហត្តមគ្គ។
ID: 637645634507828589
ទៅកាន់ទំព័រ៖