ព្រះត្រៃបិដក ភាគ ០៨

​[​៦០​]​ ​ស្រី​ណា​ជា​អ្នកឲ្យ​បាយ​ ​និង​ទឹក​ ​មានចិត្ត​រីករាយ​ ​មាន​សីល​បរិបូណ៌​ ​ជា​សាវិកា​របស់​ព្រះ​សុគត​ ​គ្រប​សង្កត់​នូវ​សេចក្តី​កំណាញ់​បាន​ ​ហើយ​ឲ្យ​នូវ​ទាន​ ​ស្រី​នោះ​ឯង​ ​តែង​បាន​នូវ​ផល​ ​គឺ​អារម្មណ៍​ដ៏​ប្រសើរ​ដោយ​ប្រពៃ​ ​មាន​រូប​ជាដើម​ ​បាន​បន្ទោបង់​នូវ​សេចក្តី​សោក​ ​នាំមក​នូវ​សេចក្តី​សុខ​ ​មាន​កំឡាំង​ ​និង​អាយុ​ទិព្វ​ ​ស្រី​នោះ​ ​ជា​ស្រី​មាន​សេចក្តី​ប្រាថ្នា​នូវ​បុណ្យ​ ​មាន​សេចក្តី​សុខ​ ​ឥតមាន​ទុក្ខ​ ​តែង​រីករាយ​ក្នុង​ស្ថានសួគ៌​ ​អស់​កាល​ជា​អង្វែង​ ​ព្រោះ​អាស្រ័យ​នូវ​មគ្គចិត្ត​ ​ដ៏​ប្រាសចាក​ធូលី​ ​មិន​មាន​កិលេស​ ​(​នោះ​ឯង​)​។​