ព្រះត្រៃបិដក ភាគ ០៨

ខ្ពង់ខ្ពស់​ក្រៃលែង​ជាង​សំពត់​ដ៏​ច្រើន​ ​ជាង​គូ​នៃ​សំពត់​ដ៏​ច្រើន​ ​ជាង​រយ​នៃ​គូ​សំពត់​ដ៏​ច្រើន​ ​ជាង​ពាន់​នៃ​គូ​សំពត់​ដ៏​ច្រើន​ ​ជាង​សែន​នៃ​គូ​សំពត់​ដ៏​ច្រើន​ ​សូម​ទ្រង់ព្រះ​មេត្តាប្រោស​ ​សូម​ព្រះមានព្រះភាគ​ ​ទ្រង់​ទទួលយក​សំ​ពត់​សិវេ​យ្យ​កៈ១គូ​ ​របស់ខ្ញុំ​ព្រះអង្គ​ ​សូម​ទ្រង់​អនុញ្ញាត​ ​គហបតិ​ចីវរ​ ​ដល់​ភិក្ខុសង្ឃ​ផង​។​ ​ព្រះមានព្រះភាគ​ ​ព្រម​ទទួលយក​សំ​ពត់​សិវេ​យ្យ​កៈ​ ​១គូ​។​ ​វេលា​នោះ​ ​ព្រះមានព្រះភាគ​ ​ទ្រង់​ពន្យល់​ជីវក​កោ​មារ​ភ​ត្យ​ ​ឲ្យ​ឃើញ​ ​ឲ្យ​កាន់​យក​ ​ឲ្យ​អាច​ហ៊ាន​ ​ឲ្យ​រីករាយ​ ​ដោយ​ធម្មី​កថា​។​ ​លំដាប់នោះ​ ​ជីវក​កោ​មារ​ភ​ត្យ​ ​កាលដែល​ព្រះមានព្រះភាគ​ ​ទ្រង់​ពន្យល់​ ​ឲ្យ​ឃើញ​ ​ឲ្យ​កាន់​យក​ ​ឲ្យ​អាច​ហ៊ាន​ ​ឲ្យ​រីករាយ​ ​ដោយ​ធម្មី​កថា​ហើយ​ ​ក៏​ក្រោក​ចាក​អាសនៈ​ ​ក្រាប​ថ្វាយបង្គំ​ព្រះមានព្រះភាគ​ ​ធ្វើ​ប្រទក្សិណ​ ​ហើយ​ថយចេញ​ទៅ​។​ ​ព្រោះ​និទាន​នេះ​ ​ដំណើរ​នេះ​ ​ព្រះមានព្រះភាគ​ ​ទ្រង់​ធ្វើ​ធម្មី​កថា​ ​ក្នុង​វេលា​នោះ​ ​រួច​ទ្រង់​ត្រាស់​ហៅ​ភិក្ខុ​ទាំងឡាយ​មក​ថា​ ​ម្នាល​ភិក្ខុ​ទាំងឡាយ​ ​តថាគត​អនុញ្ញាត​នូវ​គហបតិ​ចីវរ​ ​ភិក្ខុ​ណា​ប្រាថ្នា​ ​(​បង្សុកូល​)​ ​ភិក្ខុ​នោះ​ ​ចូរ​ទ្រទ្រង់​សំពត់​បង្សុកូល​ចុះ​ ​ភិក្ខុ​ណា​ប្រាថ្នា​ ​(​គហបតិ​ចីវរ​)​ ​ភិក្ខុ​នោះ​ ​ចូរ​ត្រេកអរ​ ​នឹង​គហបតិ​ចីវរ​ចុះ​ ​ម្នាល​ភិក្ខុ​ទាំងឡាយ​ ​ម្យ៉ាងទៀត​ ​តថាគត​ ​ពោល​សរសើរ​សេចក្តី​សន្តោស​ដោយ​បច្ច័យ​ណាមួយ​ ​(​តាម​មាន​តាម​បាន​)​។​
ថយ | ទំព័រទី ៩៧ | បន្ទាប់
ID: 636795432644344559
ទៅកាន់ទំព័រ៖