ព្រះត្រៃបិដក ភាគ ៨៤
ព្រះមហាកោដ្ឋិកត្ថេរ … ព្រះមហាបណ្ឋកត្ថេរ មិនសាបសូន្យចាកអរហត្តទេឬ។ អើ។ បើព្រះមហាមោគ្គល្លានត្ថេរ …។បេ។ ព្រះមហាបណ្ឋកត្ថេរ មិនសាបសូន្យចាកអរហត្តទេ ម្នាលអ្នកដ៏ចំរើន អ្នកមិនគួរពោលថា ព្រះអរហន្ត សាបសូន្យចាកអរហត្ត ដូច្នេះទេ។
[២៤៧] ព្រះអរហន្ត សាបសូន្យចាកអរហត្តឬ។ អើ។ ក្រែងព្រះមានព្រះភាគ បានត្រាស់ថា
សេចក្តីប្រតិបត្តិខ្ពស់ និងទាប ព្រះសមណៈ ប្រកាសហើយ (សត្វទាំងឡាយ) មិនដល់នូវត្រើយ គឺព្រះនិព្វាន ពីរដងទេ ត្រើយ គឺព្រះនិព្វាននេះ ពួកសត្វមិនដែលពាល់ត្រូវអស់វារៈម្តងឡើយ
ពាក្យដូច្នេះ មានក្នុងព្រះសូត្រពិតឬ។ អើ។ ព្រោះហេតុនោះ អ្នកមិនគួរពោលថា ព្រះអរហន្ត សាបសូន្យចាកអរហត្ត ដូច្នេះទេ។
[២៤៨] ព្រះអរហន្ត សាបសូន្យចាកអរហត្តឬ។ អើ។ ធម្មជាតតិចតួច ដែលគេគប្បីកាត់ របស់ព្រះអរហន្តដែលមានកិលេសវដ្តៈកាត់ហើយ មិនមានទេឬ។ អ្នកមិនគួរពោលយ៉ាងនេះទេ។ ធម្មជាតតិចតួចដែលគេគប្បីកាត់ របស់ព្រះអរហន្ត ដែលមានកិលេសវដ្តៈកាត់ហើយ មានឬ។ អើ។ ក្រែងព្រះមានព្រះភាគ បានត្រាស់ថា
ID: 637652413893367210
ទៅកាន់ទំព័រ៖