ព្រះត្រៃបិដក ភាគ ៨៤
កិច្ចនៃបុគ្គលណា មិនមាន (បុគ្គលនោះ) មានតណ្ហាទៅប្រាសហើយ មិនមានសេចក្តីប្រកាន់ទេ ធម្មជាតតិចតួច ដែលគេគប្បីកាត់ របស់បុគ្គលដែលមានកិលេសវដ្តៈកាត់ហើយ មិនមានឡើយ (ព្រោះ) បុគ្គលនោះ បានដកចោលហើយ នូវអន្លង់ និងអន្ទាក់ គឺកិលេស
ពាក្យដូច្នេះ មានក្នុងព្រះសូត្រពិតឬ។ អើ។ ព្រោះហេតុនោះ អ្នកមិនគួរពោលថា ធម្មជាតតិចតួចដែលគេគប្បីកាត់ របស់ព្រះអរហន្តដែលមានកិលេសវដ្តៈកាត់ហើយ មានដូច្នេះទេ។
[២៤៩] ព្រះអរហន្ត សាបសូន្យចាកអរហត្តឬ។ អើ។ ការចំរើនមគ្គ ដែលបុគ្គលបានចំរើនរួចហើយ មិនមានទេឬ។ អ្នកមិនគួរពោលយ៉ាងនេះទេ។ ការចំរើនមគ្គ ដែលបុគ្គលបានចំរើនរួចហើយ មានដែរឬ។ អើ។ ក្រែងព្រះមានព្រះភាគ បានត្រាស់ថា
ភិក្ខុអ្នកមានចិត្តរួចស្រឡះ អ្នកមានចិត្តស្ងប់រម្ងាប់នោះ រមែងមិនមានការចំរើនមគ្គ ដែលបានចំរើនរួចហើយទេ ទាំងកិច្ចដែលគួរធ្វើ ក៏មិនមានឡើយ ថ្មតាន់មួយដុំ រមែងមិនកម្រើកញាប់ញ័រដោយខ្យល់ យ៉ាងណា រូប រស សំឡេង ក្លិន ផស្សៈទាំងអស់ ទាំងពួកធម៌ដែលគួរប្រាថ្នា
ID: 637652414207272877
ទៅកាន់ទំព័រ៖