ព្រះត្រៃបិដក ភាគ ៨៤
យ៉ាងណា បុគ្គលមិនមានរូប បុគ្គលមានរូប រូបនៃបុគ្គលណា បុគ្គលនោះឈ្មោះថាមានរូប ក៏យ៉ាងនោះដែរឬ។ ច្រវាក់មិនមាន បុគ្គលជាប់ច្រវាក់ ច្រវាក់នៃបុគ្គលណា បុគ្គលនោះ ឈ្មោះថាជាប់ច្រវាក់ ច្រវាក់ដទៃ បុគ្គលជាប់ច្រវាក់ដទៃ យ៉ាងណា រូបមិនមាន បុគ្គលមានរូប រូបនៃបុគ្គលណា បុគ្គលនោះ ឈ្មោះថា មានរូប រូបដទៃ បុគ្គលមានរូបដទៃ ក៏យ៉ាងនោះដែរឬ។ អ្នកមិនគួរពោលយ៉ាងនេះទេ។បេ។
[១១៥] ការបញ្ញត្តិនូវបុគ្គលរាល់ៗចិត្តឬ។ អើ។ ចុះបុគ្គលកើត ចាស់ ស្លាប់ ច្យុត បដិសន្ធិរាល់ៗចិត្តឬ។ អ្នកមិនគួរពោលយ៉ាងនេះទេ។បេ។ ចុះកាលចិត្តទី ២ កើតឡើងហើយ អ្នកមិនគួរពោលថា បុគ្គលនោះ ឬថាបុគ្គលដទៃ ដូច្នេះឬ។ អើ។ ចុះកាលចិត្តទី ២ កើតឡើងហើយ អ្នកមិនគួរពោលថា កេ្មងប្រុស ឬថាកេ្មងស្រី ដូច្នេះដែរឬ។ អ្នកគួរពោលបាន។ អ្នកចូរដឹងនូវកំហុស (របស់អ្នកចុះ) ប្រសិនបើ កាលចិត្តទី ២ កើតឡើងហើយ អ្នកមិនគួរពោលថា បុគ្គលនោះ ឬថា បុគ្គលដទៃដូច្នេះទេ ម្នាលអ្នកដ៏ចំរើន ព្រោះហេតុនោះ អ្នកគួរពោលថា កាលចិត្តទី ២ កើតឡើងហើយ អ្នកមិនគួរពោលថា កេ្មងប្រុស ឬថាកេ្មងស្រី ដូច្នេះដែរ
ID: 637652391329904828
ទៅកាន់ទំព័រ៖