ព្រះត្រៃបិដក ភាគ ៨៧
(មូលទាំងឡាយនោះ) មានមូលតែមួយជាមូលផង មានមូលនៃគ្នានិងគ្នាជាមូលផង ឯពួកធម៌ដ៏សេស ដែលកើតព្រមគ្នានឹងនាមមូល គ្រាន់តែមានមូលតែមួយជាមូល ដោយនាមមូល តែមិនមែនមានមូលនៃគ្នានិងគ្នាជាមូលឡើយ។ មួយយ៉ាងទៀត ពួកធម៌ណា មានមូលនៃគ្នានិងគ្នាជាមូល ដោយនាមមូល ពួកធម៌ទាំងអស់នោះ ជានាមឬ។ អើ។
[២២] ពួកធម៌ណាមួយ ជាកុសល ពួកធម៌ទាំងអស់នោះ ជាហេតុនៃកុសល … ជានិទាននៃកុសល ជាទីកើតនៃកុសល ជាដែនកើតនៃកុសល ជាសមុដ្ឋាននៃកុសល ជាអាហារនៃកុសល ជាអារម្មណ៍នៃកុសល ជាបច្ច័យនៃកុសល ជាសមុទ័យនៃកុសល …។ ពួកធម៌ណាមួយ ជាអកុសល … ពួកធម៌ណាមួយ ជាអព្យាក្រឹត... ពួកធម៌ណាមួយ ជានាម ពួកធម៌ទាំងអស់នោះ ជាហេតុនៃនាម... ជានិទាននៃនាម ជាទីកើតនៃនាម ជាដែនកើតនៃនាម ជាសមុដ្ឋាននៃនាម ជាអាហារនៃនាម ជាអារម្មណ៍នៃនាម ជាបច្ច័យនៃនាម ជាសមុទ័យនៃនាម...។
មូល ១ ហេតុ ១ និទាន ១ សម្ភព ១ ប្រភព ១ សមុដ្ឋាន ១ អាហារ ១ អារម្មណ៍ ១ បច្ច័យ ១ សមុទ័យ ១។
ចប់ មូលយមកៈ។
ID: 637825314025290421
ទៅកាន់ទំព័រ៖