ព្រះត្រៃបិដក ភាគ ៨៩
បុគ្គលពីរពួក មិនមានអនុស័យ ដោយវិចិកិច្ឆានុស័យ តែមិនមែនជាមិនមានអនុស័យ ដោយបដិឃានុស័យទេ បុគ្គលពីរពួក មិនមានអនុស័យ ដោយវិចិកិច្ឆានុស័យផង មិនមានអនុស័យ ដោយបដិឃានុស័យផង។ បុគ្គលណា មិនមានអនុស័យ ដោយបដិឃានុស័យ បុគ្គលនោះ មិនមានអនុស័យ ដោយភវរាគានុស័យ។បេ។ មិនមានអនុស័យ ដោយអវិជ្ជានុស័យដែរឬ។ អនាគាមិបុគ្គល មិនមានអនុស័យ ដោយបដិឃានុស័យ តែមិនមែនជាមិនមានអនុស័យ ដោយអវិជ្ជានុស័យទេ ព្រះអរហន្ត មិនមានអនុស័យ ដោយបដិឃានុស័យផង មិនមានអនុស័យ ដោយអវិជ្ជានុស័យផង។ មួយយ៉ាងទៀត បុគ្គលណា មិនមានអនុស័យ ដោយអវិជ្ជានុស័យ បុគ្គលនោះ មិនមានអនុស័យ ដោយបដិឃានុស័យដែរឬ។ អើ។
[១០៣] បុគ្គលណា មិនមានអនុស័យ ដោយមានានុស័យ បុគ្គលនោះ មិនមានអនុស័យ ដោយទិដ្ឋានុស័យ។បេ។ មិនមានអនុស័យ ដោយវិចិកិច្ឆានុស័យដែរឬ។ អើ។ មួយយ៉ាងទៀត បុគ្គលណា មិនមានអនុស័យ ដោយវិចិកិច្ឆានុស័យ បុគ្គលនោះ មិនមានអនុស័យ ដោយមានានុស័យដែរឬ។
ID: 637826377004082860
ទៅកាន់ទំព័រ៖