ព្រះត្រៃបិដក ភាគ ៩០
បុគ្គលណា កំណត់ដឹងនូវវិចិកិច្ឆានុស័យ បុគ្គលនោះ កំណត់ដឹងនូវបដិឃានុស័យឬ។ បុគ្គលនោះ កំណត់ដឹងនូវកិលេស ដែលតាំងនៅជាមួយគ្នានឹងអនុស័យនោះ។ បុគ្គលណា កំណត់ដឹងនូវបដិឃានុស័យ បុគ្គលនោះ (កំណត់ដឹង) នូវភវរាគានុស័យ។បេ។ កំណត់ដឹងនូវអវិជ្ជានុស័យឬ។ បុគ្គលនោះ កំណត់ដឹងនូវកិលេស ដែលតាំងនៅជាមួយគ្នានឹងអនុស័យនោះ។ មួយយ៉ាងទៀត បុគ្គលណា កំណត់ដឹងនូវអវិជ្ជានុស័យ បុគ្គលនោះ កំណត់ដឹងនូវបដិឃានុស័យឬ។ មិនមែនទេ។
[៣] បុគ្គលណា កំណត់ដឹងនូវមានានុស័យ បុគ្គលនោះ (កំណត់ដឹង) នូវទិដ្ឋានុស័យ។បេ។ កំណត់ដឹងនូវវិចិកិច្ឆានុស័យឬ។ មិនមែនទេ។ មួយយ៉ាងទៀត បុគ្គលណា កំណត់ដឹងនូវវិចិកិច្ឆានុស័យ បុគ្គលនោះ កំណត់ដឹងនូវមានានុស័យឬ។ បុគ្គលនោះ កំណត់ដឹងនូវកិលេស ដែលតាំងនៅជាមួយគ្នានឹងអនុស័យនោះ។ បុគ្គលណា កំណត់ដឹងនូវមានានុស័យ បុគ្គលនោះ (កំណត់ដឹង) នូវភវរាគានុស័យ។បេ។ កំណត់ដឹងនូវអវិជ្ជានុស័យឬ។ អើ។ មួយយ៉ាងទៀត បុគ្គលណា កំណត់ដឹងនូវអវិជ្ជានុស័យ បុគ្គលនោះ កំណត់ដឹងនូវមានានុស័យឬ។ អើ។
ID: 637826837614338429
ទៅកាន់ទំព័រ៖