ព្រះត្រៃបិដក ភាគ ៩២
[២៧១] បញ្ញិន្ទ្រិយ របស់សត្វណា មិនកើតឡើង មនិន្ទ្រិយ របស់សត្វនោះ មិនកើតឡើងឬ។ បញ្ញិន្ទ្រិយ របស់សត្វ ជាញាណវិប្បយុត្ត អ្នកមានចិត្តទាំងនោះ កាលចាប់បដិសន្ធិ មិនកើតឡើង ក្នុងឧប្បាទក្ខណៈ នៃចិត្តដែលប្រាសចាកញាណ ក្នុងបវត្តិកាល ឯមនិន្ទ្រិយ របស់សត្វទាំងនោះ មិនមែនជាមិនកើតឡើងទេ បញ្ញិន្ទ្រិយ របស់សត្វទាំងអស់នោះ គឺពួកសត្វដែលចូលកាន់និរោធ និងពួកអសញ្ញសត្វ មិនកើតឡើងផង មនិន្ទ្រិយ មិនកើតឡើងផង ក្នុងភង្គក្ខណៈនៃចិត្ត។ មួយទៀត មនិន្ទ្រិយ របស់សត្វណា មិនកើតឡើង បញ្ញិន្ទ្រិយ របស់សត្វនោះ មិនកើតឡើងឬ។ អើ។
[២៧២] ចក្ខុន្ទ្រិយ មិនកើតឡើង ក្នុងទីណា សោតិន្ទ្រិយ មិនកើតឡើង ក្នុងទីនោះឬ។ អើ។ មួយទៀត សោតិន្ទ្រិយ មិនកើតឡើង ក្នុងទីណា ចក្ខុន្ទ្រិយ មិនកើតឡើង ក្នុងទីនោះឬ។ អើ។
[២៧៣] ចក្ខុន្ទ្រិយ មិនកើតឡើង ក្នុងទីណា ឃានិន្ទ្រិយ មិនកើតឡើង ក្នុងទីនោះឬ។ អើ។ មួយទៀត ឃានិន្ទ្រិយ មិនកើតឡើង ក្នុងទីណា ចក្ខុន្ទ្រិយ មិនកើតឡើង ក្នុងទីនោះឬ។ ឃានិន្ទ្រិយ មិនកើតឡើង ក្នុងរូបាវចរសត្វនោះ ឯចក្ខុន្ទ្រិយ មិនមែនជាមិនកើតឡើង ក្នុងរូបាវចរសត្វនោះទេ ឃានិន្ទ្រិយ មិនកើតឡើងផង ចក្ខុន្ទ្រិយ មិនកើតឡើងផង ក្នុងអសញ្ញសត្វ និងអរូបព្រហ្មនោះ។
ID: 637827147800157137
ទៅកាន់ទំព័រ៖