ព្រះត្រៃបិដក ភាគ ៩២
[២៧៤] ចក្ខុន្ទ្រិយ មិនកើតឡើង ក្នុងទីណា ឥត្ថិន្ទ្រិយ។បេ។ បុរិសិន្ទ្រិយ មិនកើតឡើង ក្នុងទីនោះឬ។ អើ។ មួយទៀត បុរិសិន្ទ្រិយ មិនកើតឡើង ក្នុងទីណា ចក្ខុន្ទ្រិយ មិនកើតឡើង ក្នុងទីនោះឬ។ បុរិសិន្ទ្រិយ មិនកើតឡើង ក្នុងរូបាវចរសត្វនោះ ឯចក្ខុន្ទ្រិយ មិនមែនជាមិនកើតឡើង ក្នុងរូបាវចរសត្វនោះទេ បុរិសិន្ទ្រិយ មិនកើតឡើងផង ចក្ខុន្ទ្រិយ មិនកើតឡើងផង ក្នុងអសញ្ញសត្វ និងអរូបព្រហ្មនោះ។
[២៧៥] ចក្ខុន្ទ្រិយ មិនកើតឡើង ក្នុងទីណា ជីវិតិន្ទ្រិយ មិនកើតឡើង ក្នុងទីនោះឬ។ កើតឡើង។ មួយទៀត ជីវិតិន្ទ្រិយ មិនកើតឡើង ក្នុងទីណា ចក្ខុន្ទ្រិយ មិនកើតឡើង ក្នុងទីនោះឬ។ មិនមានទេ។
[២៧៦] ចក្ខុន្ទ្រិយ មិនកើតឡើង ក្នុងទីណា សោមនស្សិន្ទ្រិយ មិនកើតឡើង ក្នុងទីនោះឬ។ អើ។ មួយទៀត សោមនស្សិន្ទ្រិយ មិនកើតឡើង ក្នុងទីណា ចក្ខុន្ទ្រិយ មិនកើតឡើង ក្នុងទីនោះឬ។ អើ។
[២៧៧] ចក្ខុន្ទ្រិយ មិនកើតឡើង ក្នុងទីណា ឧបេក្ខិន្ទ្រិយ មិនកើតឡើង ក្នុងទីនោះឬ។ ចក្ខុន្ទ្រិយ មិនកើតឡើង ក្នុងអរូបព្រហ្មនោះ ឯឧបេក្ខិន្ទ្រិយ មិនមែនជាមិនកើតឡើង ក្នុងអរូបព្រហ្មនោះទេ ចក្ខុន្ទ្រិយ មិនកើតឡើងផង ឧបេក្ខិន្ទ្រិយ មិនកើតឡើងផង ក្នុងអសញ្ញសត្វនោះ។ មួយទៀត ឧបេក្ខិន្ទ្រិយ មិនកើតឡើង ក្នុងទីណា ចក្ខុន្ទ្រិយ មិនកើតឡើង ក្នុងទីនោះឬ។ អើ។
ID: 637827148094844577
ទៅកាន់ទំព័រ៖