ព្រះត្រៃបិដក ភាគ ៩៤
ឧទ្ធច្ចៈកើតឡើង ទោមនស្សកើតឡើង វិចិកិច្ឆាកើតឡើង ព្រោះប្រារព្ធវិចិកិច្ឆា ទិដ្ឋិកើតឡើង ឧទ្ធច្ចៈកើតឡើង ទោមនស្សកើតឡើង ឧទ្ធច្ចៈកើតឡើង ព្រោះប្រារព្ធឧទ្ធច្ចៈ ទិដ្ឋិកើតឡើង វិចិកិច្ឆាកើតឡើង ទោមនស្សកើតឡើង ទោមនស្សកើតឡើង ព្រោះប្រារព្ធទោមនស្ស ទិដ្ឋិកើតឡើង វិចិកិច្ឆាកើតឡើង ឧទ្ធច្ចៈកើតឡើង។
[៤៩១] អកុសលធម៌ ជាបច្ច័យនៃកុសលធម៌ ដោយអារម្មណប្បច្ច័យ គឺពួកសេក្ខបុគ្គល ពិចារណាពួកកិលេស ដែលលះបង់បានហើយ ពិចារណាពួកកិលេស ដែលសង្កត់សង្កិនបានហើយ ដឹងពួកកិលេស ដែលខ្លួនធ្លាប់សន្សំហើយ ក្នុងកាលមុន ពួកសេក្ខបុគ្គលក្ដី ពួកបុថុជ្ជនក្ដី ឃើញច្បាស់នូវអកុសល ថាមិនទៀង ជាទុក្ខ មិនមែនខ្លួន ដឹងនូវចិត្ត របស់បុគ្គលអ្នកប្រកបដោយអកុសលចិត្ត ដោយចេតោបរិយញ្ញាណ ពួកអកុសលក្ខន្ធ ជាបច្ច័យនៃការពិចារណា នូវចេតោបរិយញ្ញាណ បុព្វេនិវាសានុស្សតិញ្ញាណ យថាកម្មុបគញ្ញាណ និងអនាគតំសញ្ញាណ ដោយអារម្មណប្បច្ច័យ។
[៤៩២] អកុសលធម៌ ជាបច្ច័យនៃអព្យាកតធម៌ ដោយអារម្មណប្បច្ច័យ គឺព្រះអរហន្ត ពិចារណាពួកកិលេស ដែលលះបង់បានហើយ ដឹងពួកកិលេស ដែលខ្លួនធ្លាប់សន្សំហើយ ក្នុងកាលមុន
ID: 637827949503402044
ទៅកាន់ទំព័រ៖