ព្រះត្រៃបិដក ភាគ ៩៤
ឃើញច្បាស់នូវអកុសល ថាមិនទៀង ជាទុក្ខ មិនមែនខ្លួន ដឹងនូវចិត្ត របស់បុគ្គលអ្នកប្រកបដោយអកុសលចិត្ត ដោយចេតោបរិយញ្ញាណ ពួកសេក្ខបុគ្គក្ដី ពួកបុថុជ្ជនក្ដី ឃើញច្បាស់នូវអកុសល ថាមិនទៀង ជាទុក្ខ មិនមែនខ្លួន កាលដែលអកុសលរលត់ហើយ វិបាកក៏កើតឡើង ព្រោះមានអកុសលនោះជាអារម្មណ៍ (បុគ្គល) ត្រេកអរ រីករាយនឹងអកុសល រាគៈកើតឡើង ព្រោះប្រារព្ធអកុសលនោះ ទិដ្ឋិកើតឡើង វិចិកិច្ឆាកើតឡើង ឧទ្ធច្ចៈកើតឡើង ទោមនស្សកើតឡើង កាលដែលអកុសលរលត់ហើយ វិបាកក៏កើតឡើង ព្រោះមានអកុសលនោះជាអារម្មណ៍ ពួកអកុសលក្ខន្ធ ជាបច្ច័យនៃការពិចារណា នូវចេតោបរិយញ្ញាណ បុព្វេនិវាសានុស្សតិញ្ញាណ យថាកម្មុបគញ្ញាណ និងអនាគតំសញ្ញាណ ដោយអារម្មណប្បច្ច័យ។
[៤៩៣] អព្យាកតធម៌ ជាបច្ច័យនៃអព្យាកតធម៌ ដោយអារម្មណប្បច្ច័យ គឺព្រះអរហន្ត ពិចារណាផល ពិចារណាព្រះនិព្វាន ព្រះនិព្វាន ជាបច្ច័យនៃការពិចារណានូវផល ដោយអារម្មណប្បច្ច័យ ព្រះអរហន្ត ឃើញច្បាស់នូវចក្ខុ ថាមិនទៀង ជាទុក្ខ មិនមែនខ្លួន សោតៈ … ឃានៈ ជិវ្ហា កាយ រូបទាំងឡាយ សំឡេងទាំងឡាយ ក្លិនទាំងឡាយ រសទាំងឡាយ ផោដ្ឋព្វៈទាំងឡាយ វត្ថុ …
ID: 637827949779339492
ទៅកាន់ទំព័រ៖