ព្រះត្រៃបិដក ភាគ ៩៤
ជាបច្ច័យ នៃពួកវិបាកាព្យាកតក្ខន្ធ និងពួកកិរិយាព្យាកតក្ខន្ធក្រោយៗ ដោយអនន្តរប្បច្ច័យ ភវង្គៈ (ជាបច្ច័យ) នៃអាវជ្ជនា កិរិយា (ជាបច្ច័យ) នៃវុដ្ឋានៈ អនុលោម របស់ព្រះអរហន្ត (ជាបច្ច័យ) នៃផលសមាបត្តិ នេវសញ្ញានាសញ្ញាយតនកិរិយា របស់បុគ្គល កាលចេញចាកនិរោធ ជាបច្ច័យនៃផលសមាបត្តិ ដោយអនន្តរប្បច្ច័យ។
[៥១០] អព្យាកតធម៌ ជាបច្ច័យនៃកុសលធម៌ ដោយអនន្តរប្បច្ច័យ គឺអាវជ្ជនា ជាបច្ច័យនៃពួកកុសលក្ខន្ធ ដោយអនន្តរប្បច្ច័យ។
[៥១១] អព្យាកតធម៌ ជាបច្ច័យនៃអកុសលធម៌ ដោយអនន្តរប្បច្ច័យ គឺអាវជ្ជនា ជាបច្ច័យ នៃពួកអកុសលក្ខន្ធ ដោយអនន្តរប្បច្ច័យ។
[៥១២] កុសលធម៌ ជាបច្ច័យនៃកុសលធម៌ ដោយសមនន្តរប្បច្ច័យ គឺពួកកុសលក្ខន្ធមុនៗ ជាបច្ច័យ នៃពួកកុសលក្ខន្ធក្រោយៗ ដោយសមនន្តរប្បច្ច័យ អនុលោម (ជាបច្ច័យ) នៃគោត្រភូ អនុលោម (ជាបច្ច័យ) នៃវោទានៈ គោត្រភូ (ជាបច្ច័យ) នៃមគ្គ វោទានៈ ជាបច្ច័យនៃមគ្គ ដោយសមនន្តរប្បច្ច័យ។
ID: 637827952207077446
ទៅកាន់ទំព័រ៖