ព្រះត្រៃបិដក ភាគ ៩៤
ជិវ្ហាយតនៈ (ជាបច្ច័យ) នៃជិវ្ហាវិញ្ញាណ កាយាយតនៈ ជាបច្ច័យនៃកាយវិញ្ញាណ ដោយអត្ថិប្បច្ច័យ វត្ថុជាបច្ច័យ នៃពួកវិបាកាព្យាកតក្ខន្ធ និងពួកកិរិយាព្យាកតក្ខន្ធ ដោយអត្ថិប្បច្ច័យ។ បច្ឆាជាត គឺពួកវិបាកាព្យាកតក្ខន្ធ និងពួកកិរិយាព្យាកតក្ខន្ធ ជាបច្ច័យនៃកាយនេះ ដែលកើតមុន ដោយអត្ថិប្បច្ច័យ។ កពឡឹការាហារ ជាបច្ច័យនៃកាយនេះ ដោយអត្ថិប្បច្ច័យ។ រូបជីវិតិន្រ្ទិយ ជាបច្ច័យនៃពួកកដត្តារូប ដោយអត្ថិប្បច្ច័យ។
[៦១៦] អព្យាកតធម៌ ជាបច្ច័យនៃកុសលធម៌ ដោយអត្ថិប្បច្ច័យ បានដល់បុរេជាត គឺពួកសេក្ខបុគ្គលក្ដី ពួកបុថុជ្ជនក្ដី ឃើញច្បាស់នូវចក្ខុ ថាមិនទៀង ជាទុក្ខ មិនមែនខ្លួន សោតៈ … ឃានៈ ជិវ្ហា កាយ ពួករូប ពួកសំឡេង ពួកក្លិន ពួករស ពួកផោដ្ឋព្វៈ … ឃើញច្បាស់នូវវត្ថុ ថាមិនទៀង ជាទុក្ខ មិនមែនខ្លួន ឃើញរូប ដោយទិព្វចក្ខុ ឮសំឡេង ដោយទិព្វសោតធាតុ។ វត្ថុ ជាបច្ច័យនៃពួកកុសលក្ខន្ធ ដោយអត្ថិប្បច្ច័យ។
[៦១៧] អព្យាកតធម៌ ជាបច្ច័យនៃអកុសលធម៌ ដោយអត្ថិប្បច្ច័យ បានដល់បុរេជាត គឺ (បុគ្គល) ត្រេកអរ រីករាយ នឹងចក្ខុ រាគៈកើតឡើង ព្រោះប្រារព្ធចក្ខុនោះ ទិដ្ឋិកើតឡើង
ID: 637827964149174936
ទៅកាន់ទំព័រ៖