ព្រះត្រៃបិដក ភាគ ៩៤
គឺចិត្តសមុដ្ឋានរូប អាស្រ័យអកុសលក្ខន្ធទាំងឡាយ។ អព្យាកតធម៌ អាស្រ័យអព្យាកតធម៌ ទើបកើតឡើង ព្រោះនអញ្ញមញ្ញប្បច្ច័យ គឺចិត្តសមុដ្ឋានរូប អាស្រ័យវិបាកាព្យាកតកិរិយាព្យាកតក្ខន្ធទាំងឡាយ កដត្តារូប អាស្រ័យវិបាកាព្យាកតក្ខន្ធទាំងឡាយ ក្នុងខណៈនៃបដិសន្ធិ ចិត្តសមុដ្ឋានរូប កដត្តារូប ឧបាទារូប អាស្រ័យមហាភូតទាំងឡាយ ឧបាទារូប អាស្រ័យមហាភូតទាំងឡាយ ជាខាងក្រៅ ឧបាទារូប អាស្រ័យមហាភូតទាំងឡាយ ដែលមានអាហារជាសមុដ្ឋាន ឧបាទារូប អាស្រ័យមហាភូតទាំងឡាយ ដែលមានរដូវជាសមុដ្ឋាន កដត្តារូប ឧបាទារូប អាស្រ័យមហាភូតទាំងឡាយ របស់ពួកអសញ្ញសត្វ។ អព្យាកតធម៌ អាស្រ័យកុសលធម៌ផង អព្យាកតធម៌ផង ទើបកើតឡើង ព្រោះនអញ្ញមញ្ញប្បច្ច័យ គឺចិត្តសមុដ្ឋានរូប អាស្រ័យកុសលក្ខន្ធទាំងឡាយផង មហាភូតទាំងឡាយផង។ អព្យាកតធម៌ អាស្រ័យអកុសលធម៌ផង អព្យាកតធម៌ផង ទើបកើតឡើង ព្រោះនអញ្ញមញ្ញប្បច្ច័យ គឺចិត្តសមុដ្ឋានរូប អាស្រ័យអកុសលក្ខន្ធទាំងឡាយផង មហាភូតទាំងឡាយផង។
[៩២] អព្យាកតធម៌ អាស្រ័យកុសលធម៌ ទើបកើតឡើង ព្រោះនឧបនិស្សយប្បច្ច័យ គឺចិត្តសមុដ្ឋានរូប អាស្រ័យកុសលក្ខន្ធទាំងឡាយ។ នឧបនិស្សយប្បច្ច័យ ប្រហែលគ្នានឹងនអារម្មណប្បច្ច័យដែរ។
ID: 637827884175223167
ទៅកាន់ទំព័រ៖