ព្រះត្រៃបិដក ភាគ ៩៧
[៥៩០] ធម៌ដែលគួរលះដោយទស្សនៈ អាស្រ័យធម៌ ដែលគួរលះដោយទស្សនៈ ទើបកើតឡើង ព្រោះនិស្សយប្បច្ច័យ។ ប្រហែលគ្នានឹងហេតុប្បច្ច័យដែរ។ ព្រោះឧបនិស្សយប្បច្ច័យ គឺមានវារៈ៣។ ព្រោះបុរេជាតប្បច្ច័យ គឺមានវារៈ៣។ បដិសន្ធិ មិនមានទេ។ ព្រោះអាសេវនប្បច្ច័យ គឺវិបាកប្បដិសន្ធិ មិនមានទេ។ ព្រោះកម្មប្បច្ច័យ គឺអជ្ឈត្តិកក្តី មហាភូតរបស់ពួកអសញ្ញសត្វក្តី មានបរិបូណ៌។
[៥៩១] ធម៌ដែលមិនគួរលះដោយទស្សនៈ មិនគួរលះដោយភាវនា អាស្រ័យធម៌ ដែលមិនគួរលះដោយទស្សនៈ មិនគួរលះដោយភាវនា ទើបកើតឡើង ព្រោះវិបាកប្បច្ច័យ គឺខន្ធ៣ក្តី ចិត្តសមុដ្ឋានរូបក្តី អាស្រ័យវិបាកក្ខន្ធ១ វត្ថុ អាស្រ័យខន្ធទាំងឡាយ ក្នុងខណៈនៃបដិសន្ធិ ខន្ធទាំងឡាយ អាស្រ័យវត្ថុ មហាភូត១… ចិត្តសមុដ្ឋានរូប កដត្តារូប ឧបាទារូប អាស្រ័យមហាភូតទាំងឡាយ។
[៥៩២] ធម៌ដែលគួរលះដោយទស្សនៈ អាស្រ័យធម៌ ដែលគួរលះដោយទស្សនៈ ទើបកើតឡើង ព្រោះអាហារប្បច្ច័យ។
ID: 637828925445025290
ទៅកាន់ទំព័រ៖