ព្រះត្រៃបិដក ភាគ ៩៩
ផោដ្ឋព្វសម្បទា… កាលប្រាថ្នានូវពួកខន្ធ ដែលមិនទាន់កើតឡើងហើយ ទាន… សីល… ឧបោសថកម្ម… វណ្ណសម្បទា ដែលមិនទាន់កើតឡើងហើយ… ពួកខន្ធដែលមិនទាន់កើតឡើងហើយ ជាបច្ច័យនៃសទ្ធា ដែលកើតឡើងហើយ នៃបញ្ញា កាយិកសុខ កាយិកទុក្ខ មគ្គ និងផលសមាបត្តិ ដោយឧបនិស្សយប្បច្ច័យ។
[៣៦០] ធម៌ដែលកំពុងកើតឡើង ជាបច្ច័យនៃធម៌ ដែលកើតឡើងហើយ ដោយឧបនិស្សយប្បច្ច័យ បានដល់អារម្មណូបនិស្ស័យ អនន្តរូបនិស្ស័យ និងបកតូបនិស្ស័យ។ បកតូបនិស្ស័យ គឺបុគ្គលកាលប្រាថ្នានូវចក្ខុសម្បទា ដែលកំពុងកើតឡើង ទាន… សីល… ឧបោសថកម្ម… នូវសោតសម្បទា ដែលកំពុងកើតឡើង… នូវកាយសម្បទា វណ្ណសម្បទា គន្ធសម្បទា… នូវរសសម្បទា… នូវផោដ្ឋព្វសម្បទា… កាលប្រាថ្នានូវពួកខន្ធ ដែលកំពុងកើតឡើង ទាន… សីល… ឧបោសថកម្ម… ចក្ខុសម្បទា ដែលកំពុងកើតឡើង… កាយសម្បទា វណ្ណសម្បទា។បេ។ ផោដ្ឋព្វសម្បទា… ពួកខន្ធដែលកំពុងកើតឡើង ជាបច្ច័យនៃសទ្ធា ដែលកើតឡើងហើយ នៃបញ្ញា កាយិកសុខ កាយិកទុក្ខ មគ្គ និងផលសមាបត្តិ ដោយឧបនិស្សយប្បច្ច័យ។
ID: 637829794833954445
ទៅកាន់ទំព័រ៖