ព្រះត្រៃបិដក ភាគ ៩៧
[៤៧៧] ធម៌ដែលច្រឡំដោយសុខ អាស្រ័យធម៌ ដែលច្រឡំដោយសុខ ទើបកើតឡើង ព្រោះនឈានប្បច្ច័យ គឺខន្ធ២ អាស្រ័យខន្ធ១ ដែលច្រឡំដោយសុខ ច្រឡំដោយកាយវិញ្ញាណ ខន្ធ១ អាស្រ័យខន្ធ២។
[៤៧៨] ធម៌ដែលច្រឡំដោយឧបេក្ខា អាស្រ័យធម៌ ដែលច្រឡំដោយឧបេក្ខា ទើបកើតឡើង ព្រោះនឈានប្បច្ច័យ គឺខន្ធ២ អាស្រ័យខន្ធ១ ដែលច្រឡំដោយចក្ខុវិញ្ញាណ ខន្ធ១ អាស្រ័យខន្ធ២។ នមគ្គប្បច្ច័យ ប្រហែលគ្នានឹងនហេតុប្បច្ច័យដែរ។ មោហៈ មិនមានទេ។ អរូបបញ្ហា បរិបូណ៌ ព្រោះនវិប្បយុត្តប្បច្ច័យ។
[៤៧៩] ក្នុងនហេតុប្បច្ច័យ មានវារៈ១០ ក្នុងនអធិបតិប្បច្ច័យ មានវារៈ១០ ក្នុងនបុរេជាតប្បច្ច័យ ក្នុងនបច្ឆាជាតប្បច្ច័យ ក្នុងនអាសេវនប្បច្ច័យ ក្នុងនកម្មប្បច្ច័យ ក្នុងនវិបាកប្បច្ច័យ មានវារៈ១០ ក្នុងនឈានប្បច្ច័យ មានវារៈ២ ក្នុងនមគ្គប្បច្ច័យ មានវារៈ១០ ក្នុងនវិប្បយុត្តប្បច្ច័យ មានវារៈ១០។ បច្ចនីយៈ បណ្ឌិតគប្បីធ្វើឲ្យគ្រប់គ្រាន់ផងចុះ។
ចប់ បច្ចនីយៈ។
ID: 637828883277022853
ទៅកាន់ទំព័រ៖